Сара Џесика Паркер заврши на суд – Нејзината работничка ја обвини дека е лоша газдарица!
Хедер Холт од актерката бара да и се исплати платата, како и камата и парична казна…
Поранешната работничка вработена во продавницата за чевли на Сара Џесика Паркер, Хедер Холт тврди во тужбата која ја поднесе до Врховниот суд во Њујорк дека актерката и нејзиниот деловен партнер Џорџ Малкемус не и ги исплатиле прекувремените часови на работа во периодот од 31. декември 2018 година па се до први март 2020 година.
„На тужителката не и се соодветно компензирани прекувремените часови работа за сите оние часови кои ги одработила над нормалните четириесет часа во работната недела“, стои во тужбата каде не е споменато за колкави пари станува збор.
Хедер Холт од Сара бара да и се надомести платата, како и камата и парична казна.
„Сите во Њујорк заслужуваат да бидат платени за времето кое го одработиле. Кршењето на законот за плата е сериозно и секој работодавец кој ќе го прекрши треба да биде одговорен за тоа, дури и познатите како неа“, изјави адвокатот на Хедер.
Инаку, Сара во Њујорк има две продавници, како и по една во Лас Вегас, Мериленд, Дубаи, Абу Даби и Канада.