Саманта се враќа: Ким Катрал ќе се појави во продолжението на „Sex And The City“
Барем за момент, актерската екипа на култната телевизиска серија „Sex And The City“ повторно ќе биде целосна. Имено, актерката Ким Катрал ќе ја репризира улогата на Саманта Џоунс во втората сезона на серијата „And Just Like That“, која е продолжение на „Sex And The City“.
Но, таа ќе се појави само во една сцена, во последната епизода на втората сезона. Според изворите на „Варајети“, Катрал го снимила својот дијалог на 22 март годинава, во Њујорк, без да се види со останатите актерки од серијата.
Во сцената, ликот Саманта Џоунс, која во новата серија живее во Лондон, има телефонски разговор со ликот Кери Бредшо, која ја игра актерката Сара Џесика Паркер.
Појавата на Катрал како Саманта засега нема да биде продолжение на ликот.
Сепак, враќањето на Саманта во која било форма сигурно ќе ги воодушеви обожавателите на „Sex And The City“, која цели шест сезони се емитуваше на „Ејџ-би-о“ – од 1998 до 2004 година.
Во 2016 година, Катрал објави дека веќе нема да го глуми ликот на Саманта Џоунс, бидејќи не ѝ се допаднало сценариото за предложениот трет филм за „Sex And The City“.
ФОТО | Се враќа еден од омилените ликови од „Sex and the City“, обожавателите се пресреќни