Саливен: Бајден ја зголемува квотата за прием на бегалци во САД
Советникот за национална безбедност во Белата куќа, Џејк Саливен, синоќа изјави дека претседателот Џо Бајден планира да потпише указ за зголемување на годишната квота за прием на бегалци од воените зони.
Претседателот, подоцна во говор во Стејт департментот, укажа дека квотата може да достигне 125.000 бегалци и да се применува заклучно со 1 октомври 2021 година. Бројот е неколкукратно зголемен по скратениот прием до 15.000 бегалци годишно за време на мандатот на Доналд Трамп.
Суливан истакна дека Бајден планира да потпише и меморандум за промоција на правата на ЛГБТКИА низ целиот свет, како и за заштита на правата на ЛГБТКИА бегалците и азилантите.
Советникот укажа дека САД ќе ја повикат Русија на одговорност поради низа злонамерни дејствија. Според Саливен, карактерот, мерките и времето на нивното преземање ќе бидат одредени по увид на САД.
Администрацијата, исто така, разгледува и мерки за воениот удар во Мјанмар. Една од нив би била селективни санкции за низа физички и правни лица кои се под контрола на армијата.