Како што и се најавуваше, тоа сега доби и потврда, босанскиот ракометен талент Алем Хаџиќ е нов играч на Еурофарм Пелистер 2. Овој ракометар има само 16 години и може да игра на позиициите лев и среден бек.

Доаѓа од клубот Коњух каде веќе се наметна и играше важна улога и во сениорскиот тим. Хаџиќ потпиша четиригодишен договор со екипата од Битола.

Со Коњух, Хаџиќ беше трикратен шампион во првенството за кадетите, а двапати беше МВП на завршните турнири и најдобар стрелец.

Ова младо момче веќе пристигна во Битола и по потписот на договорот ќе му се приклучи на новите соиграчи и стручниот штаб, на чело со тренерот Михаил Петровски.

Алем по многу параметри е рекордер во босанскиот ракомет, а во Суперлигата на Босна и Херцеговина дебитираше на само 14 години. Официјалното претставување на Хаџиќ е предвидено на крајот од месец август.