Рецепт за евтин и лесен ручек — тиквички и пиперки запечени со сирење и јајца
Доаѓа убаво време и тогаш наместо силна и мрсна храна сакаме нешто полесно. Полека започнува сезоната на разновидни овошја и зеленчуци, но тиквичките можете да ги најдете во текот на целата година. Наш предлог за денешниот ручек е да направите вкусно јадење од зеленчук прелиено со сирење и јајца.
Препорачано
Подготовката на ова јадење е толку лесна, а сѐ што треба да направите е накратко да ги пропржите тиквичките, пиперките и другиот зеленчук, па да ги измешате со смесата со јајца и да ги запечете во рерна.
Состојки:
– 1 главица црвен кромид
– маслиново масло
– 2-3 моркови
– 2 пиперки
– 2-3 тиквички
– 3 јајца
– 300 милилитри млеко
– 4 лажици брашно
– 200 грама тврдо сирење
Подготовка:
Кромидот исечкајте го покрупно, па пропржете го на малку маслиново масло, па додајте го сечканиот морков. Промешајте, а по 5 минути додајте ја сечканата пиперка. Кога зеленчукот ќе омекне, додајте ги сечканите тиквички, солта и биберот, па покријте и динстајте 12 минути. Јајцата зачинете ги со сол и бибер, па изматете ги, а потоа додајте го млекото и ренданото сирење. Убаво соединете. Во огноотпорен сад подмачкан со масло наредете го зеленчукот, а потоа прелијте со смесата со јајца и сирење. Малку измешајте и печете во загреана рерна на 180 степени околу 35 минути.
