Рецепти за две најдобри маринади за највкусна скара, уживајте во првомајското гоштевањe
Првомајските празници не можат да поминат без традиционалната скара.
Месото на скара има посебен вкус, а ако му ја додадете вистинската маринада, во неговиот вкус ќе уживате со сите сетила. Месото е најдобро ако го маринирате вечерта пред печењето на скара (или во рерна), а верувајте, вреди секоја минута чекање.
За класичната маринада:
Состојки:
– 100 милилитри сончогледово масло
– 100 милилитри маслиново масло
– 100 милилитри јаболков оцет
– 2 лажици сол
– 2 чешниња лук
– 1 лажица бибер
– 1 лажичка мелена пиперка
– 1 кромид
Подготовка:
Кромидот и лукот ситно исечкајте ги, па ставете ги во длабок сад. Во садот со кромидот додадете ги двата вида масло, оцетот и зачините, па измешајте сè заедно. Парчињата месо потопете ги во добиената смеса и ставете ги во поголем сад, а на крајот месото прелијте го со преостанатата маринада и покријте го. Вака маринирано, местото оставете го барем четири во фрижидер.
За зачинета маринада
Состојки:
– 1 лажица чили во прав
– 1 лажица кафеав шеќер
– 1 лажичка сол
– 1 лажичка бибер
– 1 лажичка лук во прав
– 1 лажица црвена пиперка
– 200 милилитри масло
– 2 лажици сенф
Подготовка:
Во сад ставете ги сите состојки и измешајте. Со маринадата премачкајте го месото или зеленчукот и оставете да отстои преку ноќ во фрижидер.