Репрезентацијата на Србија предводена од поранешниот македонски селектор и тренер на Вардар, Раул Гонзалес загуби во реваншот против Унгарија со 31-30, но сепак и покрај тоа успеа да се пласира на Светското првенство наредната година поради триумфот во Ниш на првиот натпревар со два гола разлика (31-29).

На теренот се водеше голема борба, ниту една од двете селекции не успеваше да направи посериозна разлика, па на пауза се замина и со нерешен резултат 17-17.

Унгарците во комплетното второ полувреме беа во водство, а на моменти имаа предност и од три гола која им носеше пласман на Мундијалот. Сепак, Раул успеа да ги смири своите избраници во финишот да се изборат за пораз само од еден гол.

За Србија ова е враќање на Светското првенство бидејќи не успеаја да се пласираат на Мундијалот пред две години.

Босанците елиминирани во баражот: Фарски Острови за првпат ќе игра на Светско првенство