Рапсодија во „црвено“, Македонија убедливо ја совлада Словачка

Ривали во мундијалските квалификации ни се Шпанија, Грузија и Украина/Фото: kfsm.mk

После поразот од Швајцарија (62:67) на стартот од претквалификациите за пласман на Светското првенство, денеска во СЦ „Јане Сандански“ многу подобро издание на македонската сениорска кошаркарска репрезентација совладувајќи ја Украина со 69:47.

Неверојатни две четвртини одигра нашата селекција на вториот меч од „балонот“ во Скопје. Доколку во првата остваривме предност од (22:10), во онаа последната целосно го надигравме противникот. Со серија од 20:0 ставивме крај на осцилациите во втората односно третата четвртина за важен триумф..

Имавме одличен почеток на овој дуел, стартниот центарски двоец Крстевски и Трајковски имаа по шест поени, Стајиќ уште два, за водство од 14:5. По двете атракции на Вајли водевме и со 18:8, за тој одличен уводен дел го затвориме со исто така двоцифрени 22:10, и ново забивање од „Летечкиот Џејкоб“.

Македонскиот кошаркарски репрезентативец Кристијан Николов/Фото: kfsm.mk

Силното крило ја донесе толку посакуваната енергија во играта на нашиот тим, особено во фазата на нападот. Затоа, за неполна минута од втората четвртина, имавме „плус 17“ (27:10). Недолго потоа имавме и двојно повеќе поени во однос на противникот (34:17). Но во вториот дел од втората четвртина ја загубивме концентрацијата во нападот. Словаците реализираа серија од 7:1, па на полувремето Македонија имаше нешто пониска позитива, (35:24).

По одморот ја загубивме играта во нападот, тешко доаѓавме до поени, а Словачка сериозно се приближи. На 02:46 мин. до крајот на третиот период имавме само „плус четири“ (44:40), кога селекторот Бајиќ мораше да реагира со тајм-аут.

Долго време ја баравме играта од првата четвртина, ја најдовме на почетокот од последниот период. Вајли отвори серија од 8:0 која со две тројки на продолжи Мекиќ, за сигурни (54:42) реализирани во минута и половина. Ја продолживме серијата на 13:0, се вративме на онаа „почетна предност“, имавме 59:42 на шест минути пред крајот.

Но, тука не беше крајот на таа рапсодија во црвено. Дотуркавме и до 20:0 за 65:42, најава за прва победа на турнирот. Најефикасен беше Б. Трајковски со 16 поени (осум скокови), по 12 поени имаа А. Мекиќ (пет скокови) и Џ. Вајли (шест скокови).

Џејкоб Вајли беше меѓу поефикасните во македонската репрезентација/Фото: kfsm.mk

В недела е слободен ден, апотоа го почнуваме вториот дел, со уште два круга, против истите ривали, прво со Швајцарија в понеделник (16 август) од 19.00 часот, а во истиот термин на 18 август (среда) против Словачка. Претходно на 17 август силите ќе ги одмерат Словаците и Швајцарците.

На табелата во групата „Ф“ води Македонија (131:114) со три бодови, со подобра кош разлика од Швајцарија (123:126) и Словачка (111:125) кои исто така имаат по три бодови. Првопласираните две репрезентации ќе се пласираат во главните квалификации за Мундобаскет 2023.

Видео на денот