Еден од најголемите спортисти во светот, легендарниот тенисер Рафаел Надал, одлучи да инвестира во хотелскиот бизнис и тоа ќе го чини повеќе од 200 милиони долари. Надал, откако ја заврши својата импресивна тениска кариера, се посвети на широк спектар на работни места надвор од теренот. Така основа тениска академија, една од најсилните во светот, а има и свој бренд за облека.

Сега се сврте кон хотелскиот бизнис, што ќе го чини дури 200 милиони долари. Рафаел Надал одлучи да изгради седум луксузни хотели во Аргентина. Аргентинскиот секретар за туризам, Даниел Скиоли, ја потврди оваа вест. – Поранешниот светски број еден ќе учествува во инвестиција од повеќе милиони долари во нашата земја преку изградба на седум луксузни хотели во различни популарни туристички места – потврди Скиоли. Локациите каде што Надал ќе гради хотели во хотелскиот синџир Манакор ќе бидат Барилоче, Ел Калафате, Игуазу, Мендоза, Посадас, Салта и Ушуаја. Првиот од нив ќе биде изграден во Ел Калафате, според извештаите, до 2026 година, објави Каматица.