Работнички со три „контролки“ пред Банско
На првата прозивка на новиот шеф на Работнички се појави и засилувањето Хјунг-јон Ли од Ј. Кореја, како и Филип Стојчевски.
Репрезентативниот голман Дамјан Шишковски ќе се приклучи на подготовките за 20 дена, по завршувањето на договорот со финскиот РоПС.
– Заминаа 11 фудбалери, имаме досега три-четири нови имиња, а во наредниот период план е да се доведат уште четири-пет фудбалери како би се комплетирал играчкиот кадар. Целта, како и секогаш кога е во прашање Работнички, секако е европски излез. И покрај тоа што ќе бидеме подмладени јасно остануваат нашите зацртани цели и за новата сезона – истакна Александар Влахо на првиот собир со „романтичарите“.
Пред заминувањето за Банско, планирано за втората половина од следниот месец, веќе се договорени и три пријателски натпревари. На 6. јули Работнички ќе игра против велешки Борец, на 12. јули против Брегалница и на 15. јули против Вардар.
По враќањето од Банско, договорен е и тест меч со Тиквеш на 3. август, а генералката пред почетокот на новиот шампионат ќе биде на 4. август, а противникот ќе биде дополнително одреден.