Ала Пугачева неодамна побара и неа да ја вбројат во странски агенти, откако Министерството за правда го стави на црната листа на нејзиниот сопруг Максим Галкин.

Кралицата на советската поп музика Ала Пугачева објави дека е во Израел, три недели откако јавно ја осуди инвазијата на Путин на Украина.

„Им благодарам на повеќемилионската армија на моите обожаватели за нивната љубов и поддршка, на нивната способност да ја разликуваат вистината од лагата“, напишала Пугачева (73) на Инстаграм. „Од Светата земја се молам за вас и за мир“, им порачала таа. „Среќна сум!“

 

View this post on Instagram

 

A post shared by ALLA PUGACHEVA (@alla_orfey)

Пугачева важи за суперѕвезда во својата земја. Таа ја обликуваше рок и поп музиката во Русија од седумдесеттите години на минатиот век.

Меѓу руските генерации, таа е најпозната по хитовите како песната „Million Scarlet Roses“ од 1982 година и филмот „Жената која пее“ од 1978 година.

Пред три недели, таа побара да биде вброена во странски агенти, бидејќи Министерството за правда го стави на црната листа на нејзиниот сопруг Максим Галкин, сметајќи го за „странски агент“.

Меѓу нејзините обожаватели во минатото беа актуелниот претседател Владимир Путин и неговиот претходник на местото претседател Борис Елцин.

Кога во август почина Михаил Горбачов, Пугачева зборуваше пофално за последниот советски лидер бидејќи, како што рече, тој дозволувал слобода и го одбивал насилството.

Позната руска пејачка бара од Министерство за правда да ја прогласи за странски агент