Шести ден од потрагата во Белград по Матеј Периш од Сплит, кому на новогодишната ноќ му се губи секаква трага пред ноќниот клуб „Готик“ на брегот на реката Сава

Таткото на Матеј Ненад вчера даде интервју за „Јутарњи лист“. во кое тврди дека пронајден таксистот во чие такси возилосакал да влезе млад човек за кој се претпоставува дека е Матеј.

Полицијата го интервјуираше и нема ништо спорно. – Дали е слободно? прашало момчето. Тој претходно ја фатил рачката на задната врата, но бидејќи стаклата биле затемнети, не видел дали има патници. Потоа се наведнал и кога се уверил дека има патници позади, таксистот му одговорил: „Зафатен сум, имам возење“ – раскажува Ненад Периш.

Да потсетиме, неколку безбедносни камери, со видео надзор на повеќе згради, го снимиле неговото движење, како и престојот од речиси еден час во напуштена зграда позната како „Шпанска куќа“ во Савамала, но и спуштање во реката од скалите недалеку од ресторанот „Саванова“, на половина километар.

Никој не може да открие зошто младиот човек речиси лудо трчал по белградските улици, во раните утрински часови на последниот ден од декември

Тој трчал како некој да го брка, залудно обидувајќи се да влезе во такси на улицата Караѓорѓева.

После тоа, камерите од блискиот ресторан го снимиле неговото бегство низ улицата која влегува во објектот „Шпанската куќа“. Еден час подоцна е снимен како излегува од оваа руинирана зграда и се упатува кон Шеталиштето и областа каде се гради комплексот Белград на вода.