На 29 септември со почеток во 11 часот во просториите на Кинотека на Македонија, ќе се одржи промоција на книгата „Албанската мафија против Европа“, чии автори се професор Иван Бабановски од Македонија, Гзавиер Рофер и Стефан Кере од Француската република – светски експерти од областа на криминологијата.

Ова е второто, дополнето издание на тема „Пораст на организиран криминал и корупција на просторите на Балканот и Европа“, а првото издание беше публикувано во 2006 година.

Темата која ја третира книгата во ова издание е порастот на организираниот криминал, ендемската корупција и тероризмот на просторите на Балканот и Европа. На промоцијата ќе говори проф. д-р. Гроздан Цветковски – професор на Факултетот за безбедност во Скопје од областа на разузнавањето и контраразузнавањето.