Правиме зимница: Рецепт за највкусните пиперки во павлака
Полиците полни со шарени тегли го будат најтоплиот спомен од детството, а домашната зимница е начин како во текот на најстудените месеци да јадеме домашни, традиционално подготвени деликатеси, по семејните рецепти. Ви даваме неколку совети како лесно, брзо и вкусно да подготвите зимница.
Ова е рецепт за пиперки во павлака, едно од нашите омилени јадења.
Состојки:
– 1 кг пиперки
– 500 г младо сирење
– 1,5 мл млеко
– Сол
Подготовка:
Исчистете ги пиперките, посолете ги од внатрешна страна, па потоа исцедете ги од сокот кој ќе го пуштат. Младото сирење издробете го со вилушка и по потреба посолете, па со него наполнете ги пиперките до половина и ставете ги во садот во кој ќе стојат.
Сварете го млекото со 1 лажица сол, па додека е топло, прелијте ги пиперките и добро затворете го садот.
Кога ќе се излади и преноќи, ставете го во ладилник. Уште 3 пати на секои 5 дена истурете ја вишокот течност, па прелијте со ново посолено млеко, околу половина литар, па повторете ја постапката. По 3 недели, чинијата ќе биде полна со цврста павлака и пиперки.