Повреда на репрезентативецот Адеми, Динамо без капитенот против Виљареал!
Проблеми за хрватскиот гигант, но секако и за нашата најдобра репрезентација, информациите велат дека Аријан Адеми има повреда.
Динамо Загреб славеше во 28 коло од тамошниот шампионат против Локомотива (2:0) и го презеде врвот на табелата, но после натпреварот тренерот Дамир Крзнар објави и една лоша вест.
– Адеми има оток на стапалото, мора да го почекаме рентгенот, но прогнозата не е добра – рече Крзнар.
Според најавите нашиот играч ќе го пропушти реванш мечот од четвртфиналето во Лига Европа (четврток, 15 април) против Виљареал во Шпанија. Потсетување дека во првите 90 минути „модрите“ загубија минимално со 1:0.
Не посакуваме повредата да биде посериозна која ќе бара опоравување на подолг период, туку му биде на распогање на селекторот Игор Ангеловски во правата препознатлива форма за Европското првенство кое ќе започне во јуни.