Поранешниот шеф на Ферари: Шумахер е сè подобар – се опоравува, но со последици
Жан Тод, екс прв човек на Ферари, откри нови детали за состојбата на Михаел Шумахер во интервју за новинарите.
Седумкратниот светски шампион во Формула 1 беше тешко повреден при скијање во 2013 година. Се стравуваше дека Германецот ќе биде во вегетативна состојба до крајот на животот, и покрај социјалните медиуми и хиперинфлацијата на вестите, неговото семејство успеа строго да ги чува сите информации околу состојбата на Шуми.
Се знае само тоа дека за него се грижи неговата сопруга Корина. Се појавија и информации дека поради огромните трошоци за лекување треба да го продаде имотот, но тоа не е потврдено.
Според Тод, Шумахер се чувствува подобро.
– Неговата состојба полека, но сигурно се подобрува. Поминав многу време со Корина. Таа е храбра жена и го води целото семејство. Благодарение на неа и големата посветеност на докторот, Михаел преживеа, но со последици – вели Тод.
И поранешниот шеф на Формула 1, Берни Еклстон, кратко зборуваше за состојбата на Шумахер.
– Тој не е со нас во моментов. Ќе се опорави и потоа ќе одговори на сите прашања – рече Еклстон.
Ужасни вести: Откриено во каква состојба е легендарниот Михаел Шумахер