Пливачите на „Бета Шаркс“ освоија девет медали во Крушевац
Како што известува македонскиот пливачки клуб „Бета Шаркс“, изминатиов викенд во исклучително голема конкуренција на силните пливачки клубови од Србија на „Шаренградскиот Куп“ во Крушевац, се натпреваруваше и победуваше.
– Правевме грешки и храбро се враќавме во борба, се бодревме и на крајот заедно се радувавме на одличните резултати.
Тимската работа и заедништво е нашето второ име! Одиме уште посилно и похрабро во новите тренинг предизвици кон нови победи! – информираат од ПК „Бета Шаркс“.
Леона Величковска се закити со златен и сребрен медал, Андреј Чичаковски дојде до златен и бронзен медал.
Потоа, Милица Силјановска успеа да освои злато, до сребро дојдоа Ангелина Џугоманова, Давид Милевски и Дамјан Тодоровски, а бронза освои Димитар Тодоровски.