Париз не се плаши од терористички закани за време на Олимписките игри 2024
Француската министерка за спорт Амели Удеа-Кастера рече дека не се размислува за преместување на церемонијата на отворање на Олимписките игри, планирани на Сена во Париз. Следните Летни Олимписки игри ќе се организираат во периодот од 26 јули до 11 август 2024 година.
– Немаме план Б, имаме план А во кој постојат неколку планови Б – изјави Удеа-Кадеста за радиото „Франс ентер“.
Два дена откако напаѓач познат по радикален исламизам и психијатриски нарушувања во Париз уби германски турист со нож и повреди уште две лица со чекан, министерката за спорт потсети дека „терористичката закана, особено исламистичката, постои“. Но, „тоа не е ново и не е специфично за Франција, ниту е специфично за игри“, подвлече министерката, која додаде дека се прави сè за да се минимизира што е можно повеќе со апсолутна будност.
The French government on Monday insisted it would keep a plan to hold the 2024 Paris Olympics opening ceremony on the River Seine even after a deadly attack in the French capital at the weekend amplified security concerns ➡️ https://t.co/wZmWHMLKta #AFPSports pic.twitter.com/NikfyRZeOo
— AFP News Agency (@AFP) December 4, 2023
Церемонијата на отворањето на Олимписките игри треба да се одржи на Сена, меѓу два познати моста во Париз, а Удеа-Кастера нагласи дека не постои план Б.
– Постојат голем број можности за прилагодување – вели Удеа-Кастера.
Таа конкретно го наведе бројот на гледачи за време на оваа церемонија, кој ќе биде одреден напролет, а кој може да се промени. Овие прилагодувања ќе се однесуваат и на „бројот на свечености што ќе бидат одобрени во областа и во Париз“ и „управувањето со безбедносните периметри“.
На прашањето дали преместувањето на церемонијата е дел од плановите, министерката рече: „Тоа не е хипотеза на која работиме“. Соочена со загриженост поради нападот во саботата вечерта во близина на Ајфеловата кула, Удеа-Кастера потсети дека безбедносните мерки „ќе бидат значително зголемени за време на Олимписките и Параолимписките игри“.
– Нема сомнеж дека церемонијата на отворање ќе биде посебен безбедносен предизвик, но тоа го знаеме уште од првиот ден. Имаме капацитет да го обезбедиме тој настан – се зборовите на француската министерка за спорт.