Паника во Њујорк: Џонсон без маска ракувал со заразениот бразилски министер, пред средбата со Бајден

Борис Џонсон ракувал со заразениот бразилски министер за здравство Марсело/ Фото EPA

Британскиот премиер Борис Џонсон вчера без маска ракувал со бразилскиот министер за здравство Марсело Киерога кој соопшти дека е позитивен на ковид-19, на состанокот во Њујорк по состанокот на Генералното собрание на ОН, пренесува Гардијан.

Киерога вчера седел во близина на Џонсон и министерката за надворешни работи Лиз Трус на состанокот на британскиот премиер со бразилскиот претседател Жаир Болсонаро.

Џонсон потоа отпатува во Вашингтон, каде се сретна со американскиот претседател Џо Бајден.

Бразилскиот министер за здравство е вториот член на бразилската делегација во Њујорк кој е позитивен на коронавирус.

Неколку од бразилските делегати, вклучувајќи го Болсонаро, не се вакцинирани.

Видео на денот