Пандемијата ја спречи да направи гламурозна забава: Елена Велевска својот 40-ти роденден го прослави со родителите и децата! (ФОТО)

Познатата фолк-пејачка Елена Велевска вчера го прослави својот јубилејен 40-ти роденден.

Но, наместо голема и гламурозна забава, поради пандемијата со коронавирусот, пејачката се одлучи да прослави со своите најсакани во домашна атмосфера.

На роденденската забава присуствувале родителите на Елена, нејзината сестра, нејзините три деца и внуците, а се разбира, тука била и роденденската торта во знакот на омилениот бренд за облека – „Луј Витон“.

– Годините се бројка, а јас не сум се чувствувала никогаш посреќна од сега. Задоволна од постигнатото досега, ќе се трудам и понатаму публиката да ја радувам со нови проекти од мене – изјави накусо Велевска за нашиот медиум.

Оваа слика има празен alt атрибут; Името на датотеката е Elena-Velevska-3-1024x683.jpg

Инаку роденденот Елена го прослави во Прилеп, каде веќе живее една година заедно со своите три деца. Како што знаете, познатата пејачка пред неколку месеци стави крај на долгогодишниот брак со сопругот Маријан, со кого живееа во Охрид.

Оваа слика има празен alt атрибут; Името на датотеката е Elena-Velevska-2-1024x683.jpg
Видео на денот