Два месеца по смртта на Итан Браун, синот на легендарниот музичар Џексон Браун, објавена е официјалната причина за неговото заминување. Актерот и модел,  почина на 25 ноември минатата година, на 52-годишна возраст, како последица на комбинација од фентанил, метамфетамин и лидокаин, потврди во вторникот Канцеларијата на патологот на округот Лос Анџелес.

Смртта е окарактеризирана како несреќен случај, пренесува магазинот „Пипл“.

Џексон Браун (77), пејач, текстописец и член на Куќата на славните на рокенролот, ја потврди смртта на своето најстаро дете со изјава објавена на Фејсбук на 26 ноември.

„Со длабока тага известуваме дека утрото на 25 ноември 2025 година, Итан Браун, син на Џексон Браун и Филис Мејџор, бил пронајден без свест во неговиот дом и дека починал“, се наведува во соопштението.

„Ве молиме за приватност и почит кон семејството во овој тежок момент. Засега нема дополнителни детали.“

Живот и кариера

Итан бил многу мал кога неговата мајка, Филис Мејџор, трагично починала. Како возрасен, изградил успешна кариера во Холивуд и станал познат модел, појавувајќи се во кампањи на дизајнери.

Продуцентот Марк Ронсон, во своите мемоари „Night People“, го опиша Итан како личност создадена за слава, наведувајќи дека бил „вистинската работа, со изразени црти на лицето и длабок поглед кој, како да ги откриваше неговите најдлабоки вистини, дури и од гламурозните страници на списанијата“.

Ронсон додаде дека Итан ги наследил „изразените јаболчници“ од неговата покојна мајка и „длабоките очи“ од неговиот татко.

Покрај манекенската кариера, тој ја основал и издавачката куќа „Spinside Records“, под покровителство на независната етикета на неговиот татко, „Inside Recordings“. Се пробал и во актерството, појавувајќи се заедно со Кејт Хадсон во филмот „Raising Helen“ од 2004 година.

ФОТО | Ненадејно почина синот на познатиот американски рокер: Џексон Браун се огласи со потресни зборови