Единаесетгодишно девојче е полесно повредено, а повеќе куќи се оштетени во Бахреин откако врз населени места паднале остатоци од пресретнати и уништени ирански дронови, соопшти денеска Министерството за внатрешни работи на земјата, пренесе Гардијан.

Според соопштението, штети се пријавени во Хамад Таун и во главниот град Манама. Во инцидентите биле запалени и неколку автомобили.

Министерството објави и фотографии на кои се гледаат пожарникари додека се обидуваат да изгаснат пожар во неколку куќи.

Иранскиот Корпус на исламската револуционерна гарда претходно соопшти дека извршил напади врз околу 18 различни цели низ регионот, меѓу кои и во Бахреин, Кувајт и Јордан.

Во соопштението било наведено дека биле нападнати две воздухопловни бази во Кувајт и една во Бахреин, пренесува „Ал Џезира“. Според истиот извор, ударите биле одговор на нападите што американските сили претходно ги извршиле врз Техеран.

Ноќта кога згаснаа соништата на Гана за мундијалско полуфинале