Повеќе од половина од граѓаните на Соединетите Американски Држави стравуваат дека развојот на вештачката интелигенција би можел да доведе до губење на работа за нив или за член на нивното домаќинство. Анкета на Ројтерс и Ипсос на повеќе од 4.500 возрасни лица низ САД покажа дека 53 проценти ја делат оваа загриженост, додека 37 проценти рекле дека не се загрижени за такво сценарио, а преостанатите 10 проценти немаат мислење или не одговориле на прашањето.

Гледајќи ги политичките симпатии, дури 61 процент од поддржувачите на Демократската партија се грижат за подемот на вештачката интелигенција, во споредба со 47 проценти од луѓето кои велат дека ја поддржуваат Републиканската партија.

Истражувањето покажа дека граѓаните со универзитетско образование почесто користат вештачка интелигенција. Половина од испитаниците со факултетска диплома рекле дека редовно користат алатки за вештачка интелигенција, додека уделот кај луѓето без факултетска диплома е 34 проценти. Вкупно 73 проценти од Американците рекле дека се загрижени за растечката употреба на вештачка интелигенција, што е зголемување во споредба со 68 проценти во слична анкета спроведена во 2023 година.

ЕУ воведува паметни броила со вештачка интелигенција за пониски сметки за струја и поефикасна мрежа