Македонски државјанин се обидел нелегално да внесе во земјава десет нови лаптопи од марката „Делл“, вредни речиси 13.000 евра, но бил откриен од царинските службеници на граничниот премин „Богородица“. Лаптопите биле пронајдени на различни скриени места во возило изнајмено од рент-а-кар компанија, кое го управувал осомничениот. Поради основано сомнение, цариниците извршиле детален претрес и ги откриле сите десет компјутери.

Според информациите од предистражната постапка, осомничениот претходно ги подигнал лаптопите од карго-компанија во Солун, по што се обидел да ги прошверцува во државата без да ги пријави. Против него е поднесена кривична пријава до Основното јавно обвинителство во Гевгелија поради сомнение за сторено кривично дело – криумчарење.

Царинската управа најавува дека ќе продолжи со засилените контроли за сузбивање на шверцот и заштита на финансиските интереси на државата.

Пури вредни над 4.000 евра се запленети на „Табановце“