Во битолската населба „Кланица“ вчера било пронајдено тело во водите на реката Драгор, кое го забележале граѓани во близина на познат локален мост, информира СВР Битола.

Полициски екипи веднаш излегле на местото, по што е покрената постапка за идентификација, во која било утврдено дека се работи за битолчанец кој претходно бил пријавен како исчезнат.

„Од Секторот за односи со јавност посочија дека по извршено препознавање констатирано е дека се работи за 66-годишник од Битола, за кој на 2 јуни во СВР Битола негов роднина пријавил дека се оддалечил од домот. На местото на настанот увид извршија медицински и криминалистички екипи со цел да се утврдат причините за смртта. Лекар од Итната медицинска помош Битола констатирал смрт без траги на насилство, а по насоки на јавен обвинител телото е предадено на обдукција. Извршен е увид од екипа од СВР Битола“, пишува во полициското соопштение.

Стружанка одела на работа и ги оставала децата сами ноќе во кола, сопругот ја пријавил во полиција