Жител на Струга доцна синоќа пријавил во полиција дека неговата сопруга, која била на работа, ги оставила нивните малолетни деца да спијат во автомобил на земјен паркинг, соопшти МВР.

Децата биле пронајдени како спијат во автомобилот, по што му се предадени на таткото, а мајката ќе одговара, додаваат од полицијата.

„Ноќеска во 00:03 часот во ОВР Струга, В.С. пријавил дека неговата сопруга Н.С.(41) ги оставала нивните малолетни деца да спијат во нејзиното возило додека одела на работа. По овластување на јавен обвинител, полициски службеници презеле мерки и во паркираното возило на земјен паркинг на ул.„Владо Малески“ ги затекнале децата како спијат. Децата се предадени на таткото В.С. Се преземаат мерки за расчистување на случајот и по целосно документирање против сторителката ќе биде поднесена соодветна пријава“, пишува во полицискиот билтен.

Им скршил ретровизор кај Шишево, па му пукале во глава — двајца браќа ќе одговараат за обид за убиство