Скандинавската авиокомпанија SAS AB денес соопшти дека била принудена да намали голем број летови откако војната меѓу САД и Израел против Иран предизвика скок на цените на горивото за авиони. Норвешката авиокомпанија одлучи да направи „ограничен број краткорочни откажувања на летови“, објави Блумберг.

„Целиот европски авијациски систем сега го чувствува притисокот од ненадејниот шок од зголемувањето на цените на горивото“, соопшти SAS AB во е-пошта. Овој потег е значаен бидејќи е знак за тоа како прекинот низ Ормускиот Теснец влијае на побарувачката и понудата на гориво.

Околу половина од увозот на гориво за авиони во Европа обично поминува низ теснецот, тесен излез од Персискиот Залив кој е речиси целосно затворен поради конфликтот. Како резултат на тоа, авиокомпаниите ширум светот ги зголемуваат цените на билетите и доплатите за гориво, бидејќи војната во Иран ги зголемува цените и ги поттикнува стравувањата од недостиг на гориво за авиони, јавува Танјуг.