Во одговор на предупредувањето на полскиот премиер Доналд Туск дека неодамнешните активности на американскиот претседател Доналд Трамп и на Виктор Орбан личат на „план од соништата на Путин“, притиснатиот унгарски премиер очигледно уште поцврсто остана на своите повици за проруски пресврт во политиката на ЕУ, објави „Гардијан“.

– Не треба да мислиме на Путин, туку на нашите држави и на нашите народи. Наместо да поттикнуваш војна, сакај ја и спаси ја својата земја, Доналд – му порача тој на Туск.

Двајцата, некогаш блиски политички сојузници, во последните месеци повеќепати влегоа во судир поради повторените обиди на Орбан да блокира нови санкции против Русија и помош за Украина, додека неодамнешни медиумски извештаи укажуваат на блиски врски меѓу неговата влада и Москва.

Украинскиот министер Сибиха за муабетите на Сијарто со Русите: „Ова е гнасно и срамно“

Еве ја целосната објава на Орбан:

„Европа се движи кон една од најтешките економски кризи во својата историја. Светот се соочува со сериозна енергетска криза. Европа е во голема опасност. Единствениот излез е да се укинат санкциите воведени врз руската енергија. Веднаш. Не треба да мислиме на Путин, туку на нашата држава и на нашите народи. Наместо да поттикнуваш војна, сакај ја и спаси ја својата земја, Доналд!“

Коментарите на Орбан доаѓаат само 10 дена пред клучните парламентарни избори во Унгарија, а анкетите сугерираат дека по 16 години на власт тој би можел да биде соборен, во услови на растечко незадоволство од состојбата во економијата и од политичката класа.

Туск отворено кон Трамп: Политиката на Вашингтон му оди директно во прилог на Путин