Официјално: На Олимписките игри во Токио до 10.000 домашни навивачи
Ограничен број на локални навивачи ќе имаат дозвола да присуствуваат на Олимписките игри во Токио (Јапонија), соопштија денеска организаторите.
Организаторите поставија ограничување од 50 проценти од капацитетот, или максимум 10 000 гледачи на сите настани во рамките на Игрите.
Одлуката беше објавена по разговорите меѓу организаторите на Игрите, Меѓународниот олимписки комитет, Меѓународниот параолимписки комитет, јапонската Влада и Владата во Токио.
Главниот владин медицински советник Шигеру Оми минатата недела препорача најбезбеден начин да се одржат Олимписките игри без навивачи. Тој претходно го нарече „ненормално“ одржувањето на Олимписките игри за време на пандемијата на коронавирусот.
Доаѓањето на навивачи од странство е забрането уште порано, додека домашните навивачи во Јапонија ќе мора да се придржуваат до строгите правила.
Нема да им биде дозволено да навиваат, тие мора да носат маски и по натпреварот ќе мора да одат право дома.
The IOC and IPC were informed about and support the policies the three Japanese parties have decided on.
👉https://t.co/QqlZJvX7aq https://t.co/tsKcb4SpJ9
— IOC MEDIA (@iocmedia) June 21, 2021
Организаторите рекоа дека помеѓу 3,6 и 3,7 милиони билети ќе бидат во рацете на јапонските жители.
Пред официјалното соопштување на оваа информација, премиерот на Јапонија, Јошихиде Суга, рече дека натпреварите ќе се одржат зад затворени врати доколку се промени ситуацијата со коронавирусот. Тој воедно изјави дека сериозно ги сфатил препораките на Оми, но не ги следел.
Седумдневниот просек на нови инфекции во Токио е околу 400 на ден, но здравствените власти стравуваат дека Олимписките игри ќе го зголемат бројот на заразени.
Олимписките игри во Токио треба да бидат отворени на 23 јули и истите ќе завршат на 8 август.
ВИДЕО: Македонскиот олимпиец Нуров освои златен медал на турнирот во Италија!
