Одбојкарките на ОК Наковски волеј се радуваа со 3:1 во сетови (25:16, 25:13, 23:25, 25:19) над ОК Работнички Скопје во третиот натпревар од финалето на плејофот во Првата лига жени и со тоа поведоа со 2:1 во серијата „подобар во пет“.

Струмичкиот состав имаше контрола над случувањата на теренот во најголем дел од мечот, дури имаше шанса и со максимален резултат да го добие натпреварот, со оглед на тоа дека водеше со 23:20 во третиот сет.

Но, одбојкарките на Работнички Скопје имаа одлична серија од 5:0 во завршницата на тој период од играта и се избори за пресврт (23:25) и четврти сет.

Во последниот сет егал се играше до 10:10, за потоа одново ОК Наковски волеј да ја преземе иницијативата и предводена од Долдурова со 19 поени, Марковиќ со 15 и Ковачевиќ со 12, односно Милева со 11 поени да дојде до победата.

Во редовите на скопскиот состав Стојанова со 12 и Милевска со 11 поени беа најрасположени.

Четвртиот меч од финалната серија се игра в петок, од 18.00 часот, во СЦ „Борис Трајковски“ во Скопје.