Најдобрата одбојкарска репрезентација и по вторпат загуби од актуелниот европски шампион Србија (3:1) во Велико Градиште како дел од подготовките пред настапот во Европската сребрена лига.

Првиот сет го освоија Србите со 25:17, вториот беше нешто понеизвесен, но на крајот повторно ривалите излегоа како победници односно со 28:26.

Избраниците на нашиот селектор Никола Матијашевиќ ја намалија негативата откако во третиот сет беа подобри од 25:23.

На крајот Србија дојде до победата, односно во четвртиот сет го постави конечниот епилог 25:23.

„Црвено-жолтите“ после овие контролни мечеви се враќаат во Струмица за да ги одработат завршните тренинзи пред шестиот настап во Европската сребрена лига. Првиот турнир од неа е од 21 до 23 мај во салата „Парк“, а македонскиот состав ќе игра со Данска, Кипар и Израел.