Од што ќе живеаат сега! Човекот за кого принцезата Мако се откажа од титулата, падна на правосудниот испит
Новопечениот сопруг на јапонската принцеза Мако, Кеј Комуро, падна на правосудниот испит во Њујорк, открија резултатите неколку дена откако парот се венча.
Мако, најстарата ќерка на престолонаследникот Фумихито и внука на владеачкиот император Нарухито, се омажи за „обичниот смртник“ Кеј Комуро во Токио минатата недела по неколкугодишна свршувачка, заради која се откажа од кралската титула и од 1,2 милиони евра надомест.
Четири години по јавното објавување на нивната свршувачка, минатата недела поранешната принцеза Мако од Јапонија и официјално се венча со нејзината љубов од факултет.
Фото: Профимедиа
Младенците изјавија дека планираат заедно да изградат топла и мирна семејна атмосфера.
Комуро работи како адвокат во адвокатската фирма „Lowenstein Sandler LLP“ со седиште во Њу Џерси, а по паѓањето на правосудниот испит, наводно веднаш го повикал адвокатот Окун Јошихика, шефот на јапонската фирма каде што некогаш работел Комуро, за да го извести за тоа.
Мако, во меѓувреме, рекла дека ќе продолжи да ги поддржува студиите на својот сопруг.
Анкетите покажуваат дека дури 80 отсто од Јапонците се против бракот што се случил без вообичаената помпа и церемонија во матичната служба во Токио.
View this post on Instagram
На почетокот на овој месец, царската институција појасни дека свадбената церемонија, приемниот банкет и другите ритуали нема да се одржуваат и дека не се одобрува паушалниот износ што вообичаено им се дава на жените од царското домаќинство кои се мажат за обични луѓе, во износ од 1,2 милиони евра.