Оние кои ја гледале кралската драма „The Crown“ во продукција на „Netflix“ знаат колку долго се очекуваше доаѓањето на принцезата Дајана, а првиот тизер што неодамна го објавија за серијата докажува колку монументално ќе биде додавањето на ликот на Дајана и Маргарет Тачер.

Ликот на Дајана ќе го толкува актерката Ема Корин. Претходни заслуги на Корин вклучуваат споредна улога во крими серијата „Pennyworth“, но со улогата на Дајана со сигурност ќе биде нејзиното пробивање во филмската индустрија.

Серијата ќе направи след на животите на младата принцеза Дајана и принцот Чарлс, од нивното запознавање, почетокот на романтиката до брзото стапување во брак.

Синопсисот за новата сезона на серијата гласи:

„Како што се приближуваше крајот на 1970-тите, кралицата Елизабета (Оливија Колман) и нејзиното семејство беа преокупирани со зачувување на линијата на сукцесија со наоѓање соодветна невеста за принцот Чарлс (Џош О`Конор), кој сè уште не е оженет на 30 години. Додека романсата на Чарлс со младата дама Дајана Спенсер (Ема Корин) ветува прекрасна бајка за обединување на британскиот народ, со трансформацијата од тинејџерка во принцеза од Велс, за Дајана тоа беше сѐ освен бајка…“

Принцезата Дајана нема да биде единствениот „трн“ на кралицата Елизабета во новата сезона.

И ѕвездата од „The X-Files“ – Џилијан Андерсон ќе дебитира во новата сезона во улога на Маргарет Тачер, улога за која Мерил Стрип доби Оскар за најдобра актерка за филмот „The Iron Lady“. Андерсон е добро позната по омилената улога на обожавателите на британската серија „Sex Education“.

Овој тизер нуди интересни снимки на кои се појавуваат Корин и Андерсон, вклучувајќи го и  дебитантскиот изглед на рекреацијата на венчавката на принцезата Дајана и принцот Чарлс.

Настапот на Колман како кралицата Елизабета минатата сезона ѝ донесе номинација за најдобра актерка во драма, а неминовно се очекуваат и нови номинации во комбинација со Корин и Андерсон.

Се враќаат добро познатата постава на актери кои ги толкуваат принцезата Маргарет, принцот Чарлс, како и принцот Филип. Претстојната сезона ќе биде последна за Колман. Почнувајќи од петтата сезона, кралицата Елизабета ќе ја игра Имелда Стаунтон.

Премиерата на новата сезона на британската серија е закажана за 15-ти ноември на „Netflix“.