НОВИ ДОКУМЕНТИ ОТКРИВААТ: Малолетничка била присилена да има сексуални односи со принцот Ендру
Новите документи поднесени во тужбата против Гилејн Максвел, главниот соработник на сексуалниот предатор и насилник Џефри Епстин, откриваат нови детали за пријателството на Епстин со британскиот принц Ендру, принуден секс на малолетни девојчиња со принцот со цел да се соберат чувствителни информации, објави лондонски „Гардијан“.
Документите објавени од судот во Њујорк зборуваат за еден од договорените состаноци, што се случил на приватниот имот на Епстин во Девствените острови.
Во нив се наведува дека, веќе починатиот Епстин, присилил девојче, кое на судењето било обележано како Џејн До бр. 3, а нејзиното вистинско име е Вирџинија Робертс Џуфри, за „да стори сé што бара принцот од неа и да му ги соопшти подоцна сите детали за сексуалниот чин“.
„Гардијан“ известува дека Епстин ја измамил оваа девојка и ја нудел за сексуални услуги на други моќни луѓе со цел „да им се додворува и да ги користи за деловна, лична, политичка и финансиска добивка, како и да добие потенцијално инкриминирачки информации што тој би можел да ги уценува “.
Меѓу неговите клиенти биле истакнати американски политичари, моќни бизнисмени, странски претседатели, премиери и светски лидери.
Покрај тоа, документите содржат тврдења дека принцот Ендрју се обидел да лобира во Соединетите држави за Епстин, со цел тој да добие најповолна спогодба во судскиот процес што беше водена поради мито и проституција на деца во 2008 година.
Необјавените документи наведуваат дека за време на оргиите на островот и во становите на Гисленј Максвел во Лондон и Њујорк, Вирџинија Робертс била присилена да има сексуални односи со принцот Ендру три пати.
Нема прецизни датуми за наводните настани, но се тврди дека Гислејн Максвел за прв пат се приближувала до Вирџинија Робертс во 1999 година, кога имала 15 години.
Епстин ја користел како „роб за сексуални услуги“ од 1999 до 2002 година, кога успеала да избега.
Remember that famous Prince Andrew photo with Ghislaine Maxwell and the victim?
The FBI had their own copy for years – even before the victim’s 2011 FBI interview.
The FBI knew. They always knew. pic.twitter.com/A5TjKt4Kf7
— Techno Fog (@Techno_Fog) July 31, 2020
Исказ за Бил Клинтон
Во судските списи стои дека Максвел и нејзиниот адвокат ја прикажале Вирџинија како неподобен сведок, укажувајќи на грешки во некои датуми и бројки кои ги навела. Минатата година Ендру и Ричардсон исто така ги негираа обвинувањата, а поради скандалот, принцот Ендру се повлече од кралските должности.
Треба да се напомене дека Џуфри претходно изјави дека го видела и Клинтон на островот, што беше негирано од негова страна.
Вирџинија во текот на исказите во 2016 година рече дека примила исплата за фотографијата на која е сликана со принцот Ендру која подоцна е објавена во бројни медиуми. Исто така рече дека многу пати летала со хеликоптер, со кој управувала Максвел, на приватниот остров на Епстин на Карибите.
Во текот на исказите го коментираше и интервјуто кое го дала во 2011 година во кое наведува дека Максвел тврдела дека на островот го носела и поранешниот претседател Бил Клинтон.
„Гислејн ми рече дека долетала со Бил Клинтон. А таа сакаше да зборува за работи кои звучат неверојатно. Било да е вистина или не, тоа го раскажав во интервјуто со Шерон Чурчер“, изјави Вирџинија и додаде дека забележала како Чурчер погрешно ја сфатила нејзината приказна, но не се обидела да ја поправи.
Вирџинија тврди и дека тогаш го прашала Епстин што Бил Клинтон прави на островот.
„Се сеќавам дека го прашав Џефри што прави Бил Клинтон тука. Тој само се насмеа на тоа и ми рече дека му должел. Никогаш не ми рече за каква услуга се работи. Не знаев ни дали е сериозен или се шегува зошто често зборуваше дека сите му должат услуги“, рече наводната жртва на Епстин и додаде дека во тоа време на островот била Максвел и други девојки.
Милијардерот обвинет за трговија со бели робови и сексуален предатор Џефри Епстин, кој беше уапсен на 6 јули минатата година, се самоуби на 10 август во притвор во најобезбедуваниот затвор во САД.
