Нова занимација за ова попладне – Направете си колач со потпечено овошје
Не се потпирајте на купечките варијанти, направете си домашно вкусно колаче кое се подготвува многу лесно. Лапни-голтни, лесно и освежително…
Состојки:
4 јајца
4 лажици шеќер
200 милилитри масло за јадење
200 милилитри јогурт
500 грама брашно
1 прашак за печиво
овошје по ваш избор
Подготовка:
Во подлабок сад, изматете ги јајцата заедно со шеќерот. Матете се додека не добиете цврста смеса. Потоа, додадете го јогуртот и маслото за јадење и повторно убаво промешајте. Со лажица додадете го брашното и прашакот за печиво и внимателно измешајте ја целата смеса.
Вака подготвеното тесто, печете го во претходно загреана рерна на температура од 180 степени целзиусови околу 10 минути. Потоа извадете го и врз него наредете го овошјето кое сте го одбрале по ваш вкус.
Вратете го колачот да се пече околу 20 минути.