Нобеловата награда за мир останува неразделно поврзана со лицето или организацијата што е прогласена за лауреат, без оглед на тоа што подоцна ќе се случи со медалот, дипломата или паричниот износ, соопшти денес норвешкиот Нобелов комитет.

Реакцијата следува откако добитничката на наградата, лидерката на венецуелската опозиција Марија Корина Мачадо, му врачи дел од својата награда, златен медал, на претседателот на Соединетите Американски Држави , Доналд Трамп , кој ѝ се заблагодари за тоа.

The #NobelPeacePrize medal.

It measures 6.6 cm in diameter, weighs 196 grams and is struck in gold. On its face, a portrait of Alfred Nobel and on its reverse, three naked men holding around each other’s shoulders as a sign of brotherhood. A design unchanged for 120 years.

Did… pic.twitter.com/Jdjgf3Ud2A

— Nobel Peace Center (@NobelPeaceOslo) January 15, 2026

Без оглед на тоа што може да се случи со медалот, дипломата или паричниот износ, оригиналниот лауреат е и останува запишан во историјата како добитник на наградата “, се вели во соопштението на Нобеловиот комитет .

Се додава дека статутот на Нобеловата фондација не пропишува никакви ограничувања во врска со располагањето со медалот, дипломата или парите, што значи дека лауреатот има право да ги задржи, подарува, продава или донира овие награди.

Белата куќа претходно објави фотографија од Трамп и Мачадо на која американскиот претседател држи голема, златна рамка со Нобеловиот медал, а функционер на Белата куќа потврди дека Трамп има намера да го задржи.

President Donald J. Trump meets with María Corina Machado of Venezuela in the Oval Office, during which she presented the President with her Nobel Peace Prize in recognition and honor.🕊️ pic.twitter.com/v7pYHjVNVO

— The White House (@WhiteHouse) January 16, 2026

Нобеловата награда за мир, покрај златниот медал, вклучува диплома и парична награда од околу 1,19 милиони долари.

Нобеловата награда за мир на Мачадо заврши кај Трамп