Нишикори само го налути Ѓоковиќ, првиот светски рекет во осминафиналето на „УС Опен“
Денеска во 1/16 финалето на грен слем турнирот „УС Опен“ во Њујорк (САД), првиот светски рекет Новак Ѓоковиќ славеше против Јапонецот Кеи Нишикори со 3:1 во сетови 6:7 (4), 6:3, 6:3 и 6:2 за три и пол часа игра. 14 пат по ред Ноле е во четвртото коло во ова натпреварување.
За пласман во четвртфиналето српскиот ас ќе игра против победникот од мечот Аслан Карацев (Русија) и Џенсон Бруксби од САД.
Пласман во осмифиналето обезбеди и осмиот носител на турнирот, Италијанецот Матео Беретини кој во пет сета со 3:2 го елиминираше Белорусинот Илја Ивашка со 7:6 (5), 2:6, 4:6, 6:3 и 3:6.
Во следната фаза Беретини ќе игра против Германецот Оскар Оте кој со 3:1 беше подобар од Андреас Сепи (Италија) со 6:3, 6:4, 2:6 и 7:5. Последната осминафинална двојка ќе се дознае по мечевите Зверев – Сок и Монфис – Синер.
We hear you, @DjokerNole 🗣️ pic.twitter.com/6MCpTDmtP1
— US Open Tennis (@usopen) September 4, 2021
Во женска конкуренција шестата носителка Бјанка Андреску од Романија убедливо со 6:1 и 6:2 ја елиминираше Гретје Минен од Белгија.
Противничка на Андреску во осминафиналето ќе биде грчката натпреварувачка Марија Сакари која со 6:4 и 6:3 ја исфрли Петра Квитова од Чешка.
Триумфи во 1/16 финалето остварија уште Белинда Бенчиќ против Американката Џесика Пегула (2:0), и Швајцарката во наредната рунда ќе се соочи со Ига Швјонтек од Полска која триумфираше против Анте Контавејт од Естонија.
Ема Радукану од Велика Британија против Сара Сорибес Тормо (Шпанија) исто така со 2:0 дојде до победата (6:0, 6:1).