Невнимателен возач сериозно го оштетил официјално најстариот сочуван тоалет во Јапонија, кој му припаѓа на будистички храм и кој е регистриран како важно културно богатство.

Јапонската телевизија „ТБС“ јавува дека невнимателниот возач со автомобилот тешко го оштетил официјално најстариот тоалет во земјата, направен уште во средниот век.

Таа древна градба која со векови ја користеле монаси, се смета дека датира од првата половина на периодот во Јапонија познат како Муромачи, кој траел од 1336. до 1573 година.

Немало повредени, но уништена е вратата во ширина од два метри и дел од ѕидот на тоалетот, кој, инаку, се состои од повеќе од десет дупки во подот со метални садови.

До таа културна трагедија дошло кога неименуван 30-годишен маж кој во храмат дошол по работа, додека барал место да се паркира, па наместо на паркинг, со автомобилот завршил во средновековниот монашки тоалет.

This morning an employee from the Kyoto Heritage Preservation Association crashed their car into Japan’s oldest existing toilet. The “tosu” facilities were built during the first half of the Muromachi period (1336-1573).https://t.co/1Fc0UelOCZ pic.twitter.com/D8HZ7dC3Xe

— Spoon & Tamago (@Johnny_suputama) October 17, 2022

Самиот храм Тофукуџи во целост првпат бил изграден во далечната 1255 година, но подоцна во повеќе наврати страдал во пожари и бил обновуван.

Во Јапонија е познат по тоа што е најголемиот храм во античкиот главен град Кјото, а меѓу посетителите, особено љубителите на природата и фотографијата, омилен е по својот есенски пејзаж, бидејќи има многу дрвја, но и по песокот и каменот.