Несторовски добил понуда да се пресели на Кипар
Maкедонскиот напаѓач, Илија Несторовски како што стојат работите летово ќе ја промени средината и ќе го напушти италијански Удинезе.
Во финишот од сезоната Несторовски добиваше прилика, меѓутоа тоа беа натпревари откако тимот го обезбеди опстанокот, па управата и раководството сакала да ги тестира оние на кои не смета премногу. Италијанските медиуми пишуваа дека Несторовски бил еден од оние кои не го поминал тестот.
Се поврзуваше 33-годишниот напаѓач со клубови од Италија, а сега наводно сериозен интерес за Нестор покажал кипарскиот АПОЕЛ.
Кипарските медиуми тврдат дека Несторовски е голема желба на тимот од Никозија и веќе првите контакти се остварени, но не е позната желбата на македонскиот напаѓач.
Претходно како потенцијални нови клубови на Несторовски се споменуваа италијанските второлигаши: Палермо, Венеција и Пиза.