Ненадејно почина ѕвездата на ТикТок: Со месеци се борела со неподносливи мигрени
Џехан Томас (30), мајка на два сина која беше ѕвезда на социјалната мрежа ТикТок, ненадејно почина по неколкумесечна борба со неподносливите мигрени.
Препорачано
Џехан од Донкастер имаше 67.000 следбеници на оваа популарна платформа. На ТикТок таа главно објавуваше видеа од нејзиниот секојдневен живот, како подготовка на ручек за синовите или одење во шопинг, пишува „Дејли мејл“.
View this post on Instagram
Нејзиното семејство е скршено, како и голем број луѓе кои ја следеле. Смртта на Џехан ги шокирала бидејќи не знаеле дека нејзината состојба е толку лоша. Неодамна таа објави видеа на кои се жали на воспаление на очниот нерв кој пренесува информации од окото во мозокот, што ѝ ги предизвикувало страшните болки.
Поради тоа во последните недели често престојувала во болници, а во последното свое видео се снимала себеси во болнички кревет, непосредно пред операцијата.
„Не можам да ја кренам главата без да ми се слоши, а камоли да одам. Насекаде мора да ме туркаат во количка. Толку е страшна оваа болка“, рекла младата жена.
Џехан неодамна била пуштена од болница по еднонеделно лекување од ужасните мигрени, но нејзината состојба повторно се влошила.
View this post on Instagram
На страницата GoFundMe е покрената кампања за собирање пари за да му се помогне на нејзиниот сопруг. Џехан зад себе ги остави тригодишниот син Исак и едногодишниот Илија. Досега се собрани околу 10.000 фунти.
Нејзината најдобра пријателка, исто така, ѕвезда на социјалните мрежи, Аликс Рест, се прости од Џехан на Инстаграм.
„Таа беше мајка на две деца, триесетгодишна жена која на 17 март ненадејно нè напушти. Иако знаевме за нејзините здравствени проблеми и неподносливите болки, веста за нејзината смрт нè затекна и сите сме со скршено срце. Нејзините деца останаа без својата мајка. Џехан, ти ветив дека ќе направам сè што можам за нив и имам намера да го исполнам моето ветување. Те сакам“, напишала таа.
View this post on Instagram
