Денеска стартува 49 издание на традиционалниот ракометен струшки турнир во кој годинава нема да учествуваат екипи од странство.

Вчера во СЦ „Борис Трајковски“ – Скопје се играше Суперкупот на Македонија во кој Е. Пелистер триумфираше над Вардар 1961 убедливо со 31:22.

Овие две екипи се сметаат за најголеми фаворити и на турнирот во Струга во кој шест учесници се поделени во две групи.

Во групата „1“ се домаќинот Струга, Бутел Скопје и Вардар 1961, а во групата „2“ Тиквеш 2014, Металург и Е. Пелистер. Во ланското 48 издание првото место го освои Е. Пелистер, пред Вардар 1861 и Металург.

Нема одмор за играчите на Веселин Вујовиќ кои во денешниот прв ден од 18.30 часот ќе играат против Струга, од 20.00 часот е свеченото отворање, а од 21.00 часот Тиквеш ќе игра против Металург.

На вториот ден, 13 август, Бутел од 19.00 часот за ривал ја има Струга, а од 21.00 часот Е. Пелистер ќе игра со Металург.

На третиот ден, 14 август“, Тиквеш-Е. Пелистер и од 21.00 часот Вардар 1961-Бутел. На последниот ден, 15 август, се мечевите за пласман. Од 17.15 часот ќе биде натпреварот за петтото место, од 19.15 часот дуелот за третото место и за трофејот од 21.15 часот.