ФОТО: Суперкуп трофејот во рацете на Е. Пелистер, прекината доминацијата на Вардар
Денеска во Суперкупот на Македонија кој се одржа во СЦ „Борис Трајковски“ – Скопје екипата на Еурофарм Пелистер ја прекина доминацијата на Вардар 1961 триумфирајќи со 31:22.
„Црвено-црните“ ја имаа фаворитската улога, ја бркаа и четвртата Суперкуп титула, но на крајот Е. Пелистер беше тој дојде до победата. Добра започнаа ракометарите на Веселин Вујовиќ со стекната позитива од 7:4 по првите 10 минути игра, а потоа се погрижија за 9:6.
Потоа Вујовиќ малку го измеша составот, посебно во нападот каде шанса добија помладите играчи, а тоа умешно го искористи Е. Пелистер кој дојде на егал, 10:10 во 20 минута од дуелот. Во продолжението се играше гол за гол, кај вардарци Дибиров беше прва „виолина“ со шест голови, а на спротивната страна Периќ имаше добра партија. На полувреме се замина со 14:14.
Фантастичен почеток на вториот дел имаше составот на Жељко Бабиќ, со серија од 5:1 дојдоа до 22:17 за што потоа имаа резултатска контрола и истата ја контролираа до крајот на средбата.
Претходно при 21:27 кога веќе битолчани се одвоија на убава предност, проработе и нервозата кај скопскиот тим, во еден дуел Стоилов со лакт удри во телото на српскиот бек Обрадовиќ, по што судиите Николов и Начевски му доделија црвен картон на македонскиот репрезентативец во 52 минута.
А после пеналот на Мандалиниќ во 55 минута за 28:21 веќе полека се наѕираше победникот, а победата ја потврди Божиќ Павлетиќ за високи 29:21.
Значаен придонес во победата на битолската екипа имаше и унгарскиот голман Секели кој се истакна со 11 одбрани.
Прв стрелец во победничките редови беше Мандалиниќ со шест голови, а на спротивната страна еден повеќе имаше Дибиров.