Нема медал за македонските одбојкари на Балканијадата во Приштина

Фото: facebook.com/volleyballmkd

После поразот од Црна Гора, само теоретски шанси остануваа за младите македонски одбојкари да дојдат до еден од медалите на Балканијадата во Приштина, Косово.

Денеска нашата селекција не успеа да ја оствари целта откако загубија од Турција во три сета во последното коло на Балканското првенство за играчи до 20 години.

Турнирот нашите одбојкарски надежи го завршија со две победи во натпреварите со домаќинот Косово и со Албанија, а загубија трипати во пресметките со Турција, Бугарија и Црна Гора.

И покрај тоа што посакуваа медал, на крајот останаа без место на подиумот. Златото го освоија Бугарите, Турција се закити со сребро, а бронзата е во рацете на Црногорците.

Претходно во текот на овој месец и македонските јуниорки учествуваа на Балканско првенство кое се одржа во Белград, Србија каде што го освоија последното место.

Видео на денот