Недела е ден за домашно приготвен десерт: Како да направите ливчиња од бадеми со овој слаткарски трик?
Во подготовката на слатки често ќе наидете на состојка – ливчиња од бадеми. Тоа се всушност обелени (лупени) и тенко исечкани бадеми. Некогаш може да ги најдете во продажба, но ако не успеете, имате опција сами да ги приготвите.
Бланширајте ги – прво треба да ги ставите во врела вода и да се варат две-три минути. Потоа извадете ги од водата и како ќе притиснете со прстите, бадемите ќе излегуваат од лушпата.
Потопете ги во ладна вода – во овој случај бадемите ќе ја сочуваат својата боја и цврстина. Ама треба да ги оставите да стојат потопени во вода 24 часа. Потоа исто како при бланширањето, излупете ги со стискање.
Исушете ги – без разлика како ќе ги лупите, потоа треба да ги оставите да се исцедат и исушат. За таа цел распоредете ги на обична крпа или кујнска хартија. Ќе им требаат неколку часови целосно да се исушат. Ако ви се брза, ставете ги во рерна вклучена на 50 степени за да не изгорат.
Филирајте ги – ова всушност е најтешкиот дел од работата. Со помош на многу остар нож исечете ги најтенко што можете на две-три ливчиња. Ако сте во можност да ја купите, за оваа цел има посебна алатка што ја олеснува работата.