Не ви треба брашно: Рецепт за палачинки со само две состојки кои ќе ви дадат енергија за цел ден
Совршен рецепт за совршен почеток на денот. Не само што е вкусен и полн со протеини кои ќе ви дадат доволно енергија за сите секојдневни предизвици, туку е и толку едноставен што не можете да погрешите.
Единствено што ви е потребно за овие палачинки се две состојки, јајца и крем сирењето. не ви е потребно брашно, но секако дека ќе треба да ја намачкате со нешто тавата за печење, а дали ќе изберете путер или масло зависи од вас.
За подготовка на смесата ви требаат точно 36 секунди, а палачинките ќе ги испечете за помалку од 15 минути. Рецептот е американски, па палачинките се помали.
Количината на состојки наведени во рецептот е доволна за две порции. Палачинките по желба може да се засладат и збогатат со овошје, а можете да ги послужите и во солена варијанта – на пример, со урда или конзервирана туна.
Состојки:
– 120 грама крем сирење
– 4 јајца
– путер или масло за пржење
Подготовка:
Измешајте ги крем сирењето и јајцата во блендер. Загрејте тава со малку масло или путер на средна температура.
Смесата изматете ја со лажичка и печете по една палачинка додека не ја потрошите целата смеса.
Печете додека рабовите не почнат да се одвојуваат и целата палачинка сама не се одлепи од тавата, па свртете и печете ја од другата страна.