Наоми Кемпбел се појави со огромен дијамантски прстен: Ги поттикна гласините дека е свршена
Манекенката Наоми Кемпбел неодамна присуствуваше на Формула 1 Гран при во Обединетите Арапски Емирати каде носеше голем дијамантски прстен, што предизвика гласини за свршувачка, пишува „Дејли меил“.
Наоми Кемпбел е фотографирана во Абу Даби во друштво на нејзиниот поранешен вереник и италијански бизнисмен Флавио Бријаторе, со кој беше свршена до 2002 година, а подоцна им се придружи и руската тенисерка Марија Шарапова.
Mystery after Naomi Campbell shows off ring on engagement finger as she meets Lewis Hamilton & Eugenie in Abu Dhabihttps://t.co/efig7pzkqE pic.twitter.com/zPF7CkzW7h
— Connect Showbiz (@ConnectShowbiz) November 27, 2023
Како што пренесуваат странските медиуми, Кембел имала можност да се запознае со Луис Хамилтон, како и со актерот Орландо Блум, музичарот Гери Хорнер и принцезата Јуџини и нејзиниот сопруг Џек Бруксбанк.
Таа за оваа пригода облече црно-бел фустан со цветен дезен, а стајлингот го заокружи со огромен дијамантски прстен.
Бидејќи приватниот живот го држи во тајност, не се знае кој е нејзиниот сегашен партнер, како што не се знае кој е татко на нејзините деца. Инаку, Наоми за прв пат стана мајка на 50 години во 2021 година кога објави дека има девојче, а оваа година објави и дека добила син.
Кемпбел сѐ уште не зборувала за медиумите, но доколку ги потврди гласините, ова ќе ѝ биде трет пат да се вери. Покрај италијанскиот бизнисмен Флавио Бријаторе, манекенката во 1993 година се вери и со басистот на U2, Адам Клејтон.