Грен слем турнирот во Париз откако започна на почетокот од изминатата недела предизвилува многу контроверзи со одлуките на организаторите кои исфрлија неколку тенисери од турнирот иако не беа позитивни на короинавирусот, а вечерва имаат проблеми и со обложувачката мафија.

Имено, денеска се појави информација дека еден натпревар од овогодишното издание на Ролан Гарос е наместен.

Confirmed by sources: first round match @rolandgarros between Mitu/Tig and Brengle/Sizikova under suspicion of #matchfixing. Bookmakers noticed abnormal betting – 2nd set, 5th game. Further police investigation.

TIU & Sportdar declined to comment about the case | @welt

— Ibrahim Naber (@IbraNaber) October 3, 2020

Станува збор за дуелот во женски двојки во кој Романките Андреа Миту и Патриција Марта Тиг играа против Американката Мединсон Бренгле и Јана Сизикова од Русија.

Романските тенисерки победија со 2:0, но се појавија сомнежи дека дуелот е наместен.

Имено, обложувалниците и букмејкерите пријавиле огромни облози на овој меч и тоа за петтиот гем од вториот сет.
Тогаш Бренгле и Сизикова го загубија својот сервис гем без ниту еден освоен поен, а потоа во наредниот направија брејк. Потоа следеше нов загубен сервис на Бренгле и Сизикова и на крајот загубија со 2:0.
Во истрагата веднаш се вклучи полицијата и доколку се докаже дека дуелот е наместен ќе следуваат драконски казни за тенисерките.