Конкуренцијата за „титулата“ најбизарен изведен пенал во историјата на зимскиот спорт е прилично голема, а на неа успеа да се најде и еден од најдобрите хокеари на светот, Бред Марчанд, пишува „Марка“.

Хокеарот на Бостон Бруинс на натпреварот против Филаделфија Флајерс во обидот да го изведе казнетиот удар успеа да го промаши „пакот“ и дури без него тргна кон противничкиот гол.

Неговата голема утка се случи во серијата пенали која следуваше после регуларниот дел од мечот кој беше завршен со резултат 5:5.

Токму поради ова промашување, неговиот Бостон го загуби натпреварот.

Моментно на табелата во Источната конференција второпласиран е Бостон Бруинс со 66 бодови, еден помалку зад водечкиот Вашингтон Капиталс, додека на осмата позиција е Филаделфија Флајерс.