НАЈГОЛЕМИОТ ИЗМАМНИК ВО СПОРТОТ: Воопшто не се каам за допингот
Ленс Армстронг со право го сметаат за најголем измамник во историјата на спортот, бидејќи на сите седум триумфи (1999-2005) на трката „Тур Д’Франс“ беше допингуван. Подоцна му беа одземени сите седум победи, а во 2012 година доби доживотна забрана од страна на Светската велосипедска федерација.
– Многу научив од своите грешки. Не би ги научил лекциите да не се однесував така. Работевме се што беше потребно за да победиме. Не беше легално, но ништо не би променил, без разлика што изгубив многу пари или што од херој на нацијата станав нула од човек – изјави Армстронг на телевизијата Ен-Би-Си.
Американскиот велосипедист постојано ги демантираше обвинувањата дека користел допинг, но во 2013 година конечно ја призна вината и тоа во ТВ интервју.
Тој во 2018 година, се согласи на Владата на САД да и исплати 5 милиони долари поради тужбата која можеше да го чини дури и 100 милиони долари бидејќи Армстронг беше обвинет за измама додека возеше за тимот кој го спонзорираше поштата на САД.
– Тоа беше грешка која водеше во други грешки и на крајот дојде до најголемиот колапс во историјата на спортот. Но, многу научив и не би го сменил начинот на кој се однесував. Немаше да бидам под истрага и на крајот казнет доколку не се однесував така, арогантно. Доколку молчев и се допингував немаше да ме „фатат“ – вели Армстронг.