Начевски и Николов судат уште едно дерби на Олимписките игри
Најдобрата македонска судиска двојка добија нова обврска на Летните олимписки игри кои се одржуваат во Токио, Јапонија.
Ѓорѓи Начевски и Славе Николов ќе делат судиска правда на супер дерби натпреварот помеѓу репрезентациите на Франција и Германија.
Претходно нашите арбитри ги судеа натпреварите помеѓу Португалија и Египет и Шпанија и Норвешка.
Дуелот помеѓу Германија и Франција ќе се игра утре со почеток од 14.30 часот по македонско време.
На табелата во групата „А“ после две кола водат Французите со четири бодови, колку што имаат и Шпанците. Следуваат Германците и Норвежаните со по два, без бодови се Бразил и Аргентина.
Во групата „Б“ на машкиот ракометен турнир водат Данска и Шведска со по четири бодови, Египет и Португалија имаат по два, а Бахреин и Јапонија се без бодови.